საქსტატში გრძელდება შვედი ექსპერტების ვიზიტი. დღეს შვედმა კოლეგებმა საქსტატის 30 თანამშრომელს მონაცემთა კონფიდენციალურობის უზრუნველყოფის პროგრამული საშუალება Tau- Argus-ის ტრენინგი ჩაუტარეს. შვედმა ექსპერტებმა საქსტატის თანამშრომლებთან დეტალურად ისაუბრეს პროგრამის შინაარსზე, რომლის მიზანიც კონფიდენციალურობის უზრუნველყოფაა. ტრენინგზე ექსპერტებმა ქართველ კოლეგებს გააცნეს პროგრამის თეორიული მხარე და ისაუბრეს შვედეთის სტატისტიკის სამსახურში Tau-Argus-ის პროგრამის გამოყენების არსებულ პრაქტიკაზე. დღის მეორე ნახევარში პროგრამის გამოყენების პრაქტიკული სწავლება ჩატარდება.