7 თებერვალს საქართველოს სტატისტიკის ეროვნულ სამსახურში საქმიანი ვიზიტის ფარგლებში, ბულგარეთის სტატისტიკის ეროვნული ინსტიტუტის პრეზიდენტი სერგეი ცვეტარსკი და საქართველოში ბულგარეთის რესპუბლიკის ელჩი დესისლავა ივანოვა-კოზლევა იმყოფებოდნენ.
შეხვედრაზე მხარეებმა განიხილეს საქსტატსა და ბულგარეთის სტატისტიკის ინსტიტუტს შორის გასულ წელს გაფორმებული თანამშრომლობის მემორანდუმით გათვალისწინებული აქტივობები და მხარეთა ორმხრივ ინტერესებში შემავალი სხვა საკითხები. მემორანდუმი მიზნად ისახავს მხარეებს შორის მჭიდრო თანამშრომლობის განვითარებას სხვადასხვა მიმართულებით, მათ შორისაა: სტატისტიკური კვლევები, ექსპერტების გაცვლა, სასწავლო ვიზიტები და სხვა.
ბულგარეთის სტატისტიკის ინსტიტუტის პრეზიდენტმა საქსტატის ხელმძღვანელობას შესთავაზა გამოცდილების გაზიარება საქსტატის პრიორიტეტული მიმართულებების შესაბამისად. მხარეებმა განიხილეს მემორანდუმის განხორციელების კონკრეტული მექანიზმები და შეთანხმდენენ კოორდინაციის გაუმჯობესების გზებზე.