მსოფლიო ბანკის ტექნიკური დახმარების ფარგლებში, საქსტატი სასოფლო მეურნეობათა შერჩევით გამოკვლევაში პლანშეტური კომპიუტერის მეშვეობით პერსონალური ინტერვიუირების (CAPI) დანერგვასთან დაკავშირებულ მოსამზადებელ სამუშაოებს იწყებს. აღნიშნულთან დაკავშირებით 27 მარტიდან 31 მარტის ჩათვლით, საქსტატი უმასპინძლებს მსოფლიო ბანკის ექსპერტების მისიას. CAPI-ს პროგრამული უზრუნველყოფის შესაქმნელად დაგეგმილია მსოფლიო ბანკის მიერ შემუშავებული და მრავალ ქვეყანაში აპრობირებული პროგრამული უზრუნველყოფის „Survey Solutions“ გამოყენება. 
სოფლის მეურნეობის სტატისტიკის განვითარება საქსტატის მნიშვნელოვანი პრიორიტეტია. ამ მიმართულებით გაეროს სურსათისა და სოფლის მეურნეობის ორგანიზაციის დახმარებით მომზადდა 'საქართველოს სოფლის მეურნეობის, გარემოსა და სოფლის სტატისტიკის სტრატეგია"(SPAERS 2016-2020). მონაცემთა შეგროვების თანამედროვე მეთოდის CAPI-ს დანერგვა აღნიშნული სტრატეგიული გეგმითაა გათვალისწინებული.