საქართველოს სტატისტიკის ეროვნულ სამსახურსა და საქართველოს ბიზნეს ასოციაციას შორის ურთიერთთანამშრომლობის მემორანდუმი გაფორმდა. ორმხრივ დოკუმენტს ხელი უწყების ხელმძღვანელებმა მოაწერეს და მომავალ თანამშრომლობაზე შეთანხმდნენ. 
საქსტატის აღმასრულებელი დირექტორის, მერი დაუშვილის განცხადებით, ძალიან მნიშვნელოვანია მსგავსი ტიპის თანამშრომლობა, რადგან ის ხელს შეუწყობს საჭირო სტატისტიკური ინფორმაციის დროულ და ხარისხიან მიწოდებას დაინტერესებული მხარისთვის. გაფორმებული მემორნადუმის ფარგლებში საქართველოს ბიზნეს ასოციაცია ხელს შეუწყობს სამეწარმეო წრეებში საქსტატის და მისი პროდუქტების შესახებ ინფორმაციის გავრცელებას. 
ღონისძიებაზე საქსტატის აღმასრულებელმა დირექტორმა მერი დაუშვილმა მოწვეულ სტუმრებს პრეზენტაციის სახით უწყებაში მიმდინარე სიახლეები და სამომავლო გეგმები გააცნო.