დღეს თბილისში ევროკავშირის აღმოსავლეთ პარტნიორობის მე-2 პლატფორმის ფარგლებში, აღმოსავლეთ პარტნიორობის სტატისტიკის პანელის მეხუთე შეხვედრა გაიხსნა, რომელიც ორი დღის განმავლობაში გაგრძელდება. კონფერენციის სახელწოდებაა "ეკონომიკური ინტეგრაცია და ევროკავშირის პოლიტიკასთან შესაბამისობა" და მასში მონაწილეობენ საქართველოს, აზერბაიჯანის, სომხეთის, ბელორუსის, მოლდოვის და უკრაინის სტატისტიკური სამსახურების წარმომადგენლები. 
სასტუმრო ,,ჰოლიდეი ინში” მიმდინარე შეხვედრის მთავარი თემა საინფორმაციო-საკომუნიკაციო და ინოვაციების სტატისტიკური გამოკვლევების სამართლებრივი მხარდაჭერის საკითხების ევროკავშირის კანონმდებლობასთან შესაბამისობაა. შეხვედრაზე განიხილავენ ინფორმაციული ტექნოლოგიების გამოყენების გამოკვლევას როგორც შინამეურნეობების და ინდივიდების, ასევე საწარმოების მიერ. ისაუბრებენ მონაცემათა შეგროვების, დამუშავებისა და სხვა მნიშვნელოვან საკითხები. 
ორდღიანი კონფერენციის მთავარი მიზანია აღმოსავლეთ პარტნიორობის ქვეყნებისთვის ევროკავშრის ქვეყნების გამოცდილების გაზიარება საინფორმაციო ტექნოლოგიების და ინოვაციების განვითარების კუთხით.