2019 წლის 25-26 ივლისს, საქართველოს სტატისტიკის ეროვნული სამსახურის (საქსტატი) 100 წლის იუბილესა და გენდერული სტატისტიკის წარმოების 20 წლიან თარიღთან დაკავშირებით გამართული რეგიონული კონფერენციის “გენდერული სტატისტიკა: გამოწვევები და შესაძლებლობები მდგრადი განვითარების მიზნების (SDGs) მონიტორინგისთვის” ფარგლებში, სასტუმრო “რედისონ ბლუ ივერიაში” ჩატარდა ღონისძიება „ჰაკატონი“ გენდერული მონაცემების შესახებ (Data Hackaton on Gender), რომელიც მიმართული იყო ახალგაზრდებში სტატისტიკური მონაცემების შესახებ ცნობიერების ამაღლების, მონაცემების ანალიზისა და ინოვაციური პროდუქტების განვითარების ხელშეწყობაზე.

მონაწილეთა მიერ შემუშავებული საბოლოო პროდუქტი შეაფასა კომისიამ, რომელიც აერთიანებდა, როგორც სტატისტიკის ეროვნული სამსახურების ასევე, არასამთავრობო და საერთაშორისო ორგანიზაციების, მასმედიისა და სამეცნიერო წრეების წარმომადგენლებს. დასახელდა გამარჯვებულიც, რომელთა შორის საპატიო, პირველი ადგილი 17 წლის მარიამ ლომთათიძეს ერგო.