საქართველოს სტატისტიკის ეროვნულ სამსახურში ევროსტატის ექსპერტთან და ენერგეტიკული გაერთიანების სეკრეტარიატის წარმომადგენელთან სამუშაო შეხვედრა გაიმართა. უწყებაში გამართულ შეხვედრას აღმასრულებელი დირექტორის მოადგილე გოგიტა თოდრაძე, საქართველოს ენერგეტიკის მარეგულირებელი კომისიის (სემეკი) წარმომადგენლები და საქსტატის თანამშროლები დაესწრნენ. 
სამუშაო შეხვედრის ფარგლებში, ევროსტატისა და ენერგეტიკული გაერთიანების სეკრეტარიატის წარმომადგენლებმა ქართულ მხარეს ევროკავშირში არსებული ელექტროენერგიისა და ბუნებრივი გაზის ფასების ანგარიშგების სისტემა, მეთოდოლოგია და ენერგეტიკის საკითხებში არსებული სამართლებრივი აქტები გააცნეს. ევროპელ სტუმრებს ქართული მხარე საქართველოში არსებული ენერგეტიკის სტატისტიკის სისტემის შესახებ ესაუბრა. საქსტატში გამართული შეხვედრის მიზანს წარმოადგენდა ელექტროენერგიისა და ბუნებრივი გაზის ფასების გაანგარიშების მეთოდოლოგიის დანერგვა, ევროპარლამენტისა და ევროსაბჭოს რეგულაციით გათვალისწინებული მოთხოვნების შესაბამისად.