საქართველოს სტატისტიკის ეროვნულ სამსახურში სასწავლო ვიზიტით აზერბაიჯანის სტატკომიტეტის თანამშრომლები იმყოფებიან. სტუმრებს ქართველი კოლეგები სამი დღის განმავლობაში საგარეო ვალის და საერთაშორისო საინვესტიციო მდგომარეობის სტატისტიკის წარმოებაში საკუთარ გამოცდილებას გაუზიარებენ. საქსტატის აღმასრულებელი დირექტორის მერი დაუშვილის განცხადებით, მნიშვნელოვანია ასეთი სახის შეხვედრები, რადგან ის ხელს უწობს მხარეებს შორის ინფორმაციის გაცვლას და გამოცდილების გაზიარებას.
უწყებაში გამართულ შეხვედრაზე ისეთი მნიშვნელოვანი საკითხები განიხილეს, როგორიცაა: საგარეო ვალის შესახებ სტატისტიკური გამოკვლევების ჩატარების მეთოდოლოგია, ძირითადი ინსტრუმენტარი, მონაცემთა ბაზების დამუშავების ტექნიკა და პროგრამული უზრუნველყოფის საკითხები. საქსტატში გამართულ შეხვედრას უწყების თანამშრომლების გარდა საქართველოს ეროვნული ბანკის წარმომადგენელიც ესწრებოდა.