8-9 მარტს ევროსტატის ორგანიზებით ქ. თბილისში სასტუმრო „ჰოლიდეი ინნ“-ში აღმოსავლეთ ევროპისა და ცენტრალური აზიის ქვეყნებისთვის (EECCA) ტარდება სამუშაო სემინარი ცხოვრების დონის სტატისტიკის შესახებ. სემინარში მონაწილეობას იღებენ საქართველოს, სომხეთის, აზერბაიჯანის, ბელორუსის, მოლდოვის, უკრაინის, ყირგიზეთის, ყაზახეთის, ტაჯიკეთისა და უზბეკეთის სტატისტიკის სამსახურების წარმომადგენლები.
შეხვედრის მთავარი თემებია ცხოვრების დონის სტატისტიკის წარმოება, შესაბამისი მონაცემების შეგროვება, მონაცემთა დამუშავება, განზოგადება და ანალიზი.
სემინარის მიმდინარეობისას მონაწილე ქვეყნების წარმომადგენლები გაეცნობიან ევროკავშირის გამოცდილებას და საერთაშორისო სტანდარტებს, ასევე, სხვა მონაწილეებს გააცნობენ საკუთარი ქვეყნის გამოცდილებას, ცხოვრების დონის ინდიკატორების წარმოებასთან დაკავშირებით. შეხვედრის ბოლოს წარმოდგენილი იქნება სამომავლო გეგმები და რეკომენდაციები ცხოვრების დონის სტატისტიკის შემდგომი გაუმჯობესებისა და ევროკავშირის სტანდარტებთან დაახლოების თვალსაზრისით.