საქართველოს სტატისტიკის ეროვნული სამსახური 3-4 მაისს გენდერული სტატისტიკის მომხმარებლებისთვის ტრენინგს ატარებს. მომხმარებლებთან შეხვედრა შვედეთის სტატისტიკის ბიუროსთან ერთობლივი პროექტის ფინანსური მხარდაჭერით ტარდება. 
ორი დღის განმავლობაში ტრენინგის მონაწილეები იმსჯელებენ ისეთ საკითხებზე, როგორიცაა: გენდერული სტატისტიკა საქართველოში, გენდერული ინდიკატორების მიმოხილვა, გენდერული სტატისტიკის მონაცემების გამოყენება, გენდერული თანასწორობისა და ქალთა უფლებების სფეროში საქართველოს ვალდებულებები და სხვა. სასტუმრო ,,ბორჯომი ლიკანში“ მიმდინარე ტრენინგს ესწრებიან სამთავრობო და არასამთავრობო ორგანიზაციების, სამეცნიერო წრეებისა და მედიის წარმომადგენლები.