საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე ბიზნეს სტატისტიკის ექსპერტთა ჯგუფის სამუშაო შეხვედრაში მონაწილეობს, რომელიც გაეროს სტატისტიკის კომისიის (UNSC), ეკონომიკური თანამშრომლობისა და განვითარების ორგანიზაციის (OECD) და ევროსტატის ორგანიზებით მექსიკის სტატისტიკისა და გეოგრაფიის ეროვნულ ინსტიტუტში, 23-25 მაისის პერიოდში მიმდინარეობს. ]

აღნიშნულ შეხვედრას წინ უძღოდა 2017 წლის დასაწყისში, გაეროს სტატისტიკური კომისიის გადაწყვეტილება, ბიზნეს სტატისტიკასთან და ბიზნეს რეგისტრებთან დაკავშირებით არსებული მეთოდოლოგიური სახელმძღვანელოს განახლების შესახებ. მის უზრუნველსაყოფად საწყის ეტაპზე ბიზნეს სტატისტიკის ექსპერტთა ჯგუფის ფორმირება განხორციელდა, მსოფლიოს სხვადასხვა ქვეყნებიდან, რომლებიც ჩაერთვებოდნენ ახალი მეთოდოლოგიური სახელმძღვანელოს მომზადებაში. 

ექსპერტთა ჯგუფი გაეროს და ევროსტატის მიერ იმ ქვეყნებიდან შეირჩა, რომლებშიც მათი შეფასებით კარგად იყო განვითარებული ბიზნეს სტატისტიკა და ბიზნეს რეგისტრი. იმავდროულად ქვეყანამ აღნიშნული მიმართულებით მნიშვნელოვან პროგრესს მიაღწია დროის მოკლე  მონაკვეთში. 

ჯგუფის ფორმირებისას, მსოფლიოს სხვადასხვა კონტინენტიდან შეირჩა 5-6 ქვეყანა. აღსანიშნავია, რომ ევროპიდან შერჩეული ქვეყნების ექვსეულში საქართველოც მოხვდა, შემდეგ ქვეყნებთან ერთად: იტალია, საფრანგეთი, ავსტრია, შვეიცარია, გაერთიანებული სამეფო. 

ჯგუფის მონაწილე ქვეყნების გამოცდილება განახლებულ მეთოდოლოგიურ სახელმძღვანელოში ჩართული იქნება საუკეთესო პრაქტიკის მაგალითის სახით. არსებული მეთოდოლოგიური სახელმძღვანელოს მოქმედი ვერსია ხელმისაწვდომია ბმულზე: