23 ივლისიდან 27 ივლისის ჩათვლით საქსტატში სასწავლო ვიზიტით ტაჯიკეთის რესპუბლიკის პრეზიდენტთან არსებული სტატისტიკის სააგენტოს დელეგაცია იმყოფება. ვიზიტის მიზანია ტაჯიკეთის რესპუბლიკაში 2020 წელს დაგეგმილი მოსახლეობის საყოველთაო აღწერის განხორციელებისათვის, გეოგრაფიული საინფორმაციო სისტემების გამოყენებასთან დაკავშირებით საქსტატის გამოცდილების გაზიარება. 
მიმდინარე კვირის განმავლობაში ქართველი სტატისტიკოსები ტაჯიკ კოლეგებს გეოგრაფიული საინფორმაციო სისტემების დანერგვის საკუთარ გამოცდილებას გაუზიარებენ. გააცნობენ საქსტატის პრაქტიკას გეოსაინფორმაციო სისტემის დანერგვის პროცესში, ასევე ისაუბრებენ მასთან დაკავშირებულ საორგანიზაციო და მეთოდოლოგიურ საკითხებზე. 
საქსტატმა 2014 წლის მოსახლეობის საყოველთაო აღწერის დროს, რეგიონში ერთ-ერთმა პირველმა გამოიყენა ციფრული კარტოგრაფირება, რამაც ხელი შეუწყო საველე სამუშაოების ეფექტურად განხორციელებას.