საქართველოს სტატისტიკის ეროვნულ სამსახურში სათამაშო ბიზნესის ასოციაციისა და სათამაშო ბიზნესის წარმომადგენლებთან სამუშაო შეხვედრა გაიმართა. შეხვედრის ფარგლებში, საქსტატის აღმასრულებელმა დირექტორმა - გოგიტა თოდრაძემ აზარტული თამაშების საქმიანობით დაკავებული საწარმოების სტატისტიკურ მაჩვენებლების გაანგარიშების მეთოდოლოგიასთან დაკავშირებით პრეზენტაცია წარადგინა. უწყების აღმასრულებელი დირექტორის, გოგიტა თოდრაძის განცხადებით, ძალიან მნიშვნელოვანია მსგავსი სახის საინფორმაციო შეხვედრები. მისი თქმით, ასეთი აქტივობები მხარეებს შორის მჭიდრო თანამაშრომლობას და საჭირო ინფორმაციის გაცვლას შეუწყობს ხელს.
უწყებაში გამართული შეხვედრის ფარგლებში მხარეები სამომავლო თანამშრომლობაზე შეთანხმდნენ. მათ ასევე, მეთოდოლოგიურ საკითხებსა და აზარტულ თამაშებთან დაკავშირებული მონაცემების ხარისხის გაუმჯობესებაზე ისაუბრეს.