ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 25 იანვარი 2019
საქართველოს სტატისტიკის ეროვნული სამსახურის 25 თანამშრომელს “ტრენერების ტრენინგი გენდერული სტატისტიკის წარმოების თემაზე” ხუთდღიანი ტრენინგი უტარდებათ. ტრენინგი “ევროკავშირი გენდერული თანასწორობის უწყებათაშორისო კომისიის მხარდასაჭერად” პროექტის ფარგლებში ქ. ბორჯომში იმართება და მასში მონაწილეობენ საქსტატის, როგორც ცენტრალური ასევე რეგიონული ბიუროს წარმომადგნელები. ტრენინგის მიმდინარეობის პროცესში ყურადღება დაეთმო, როგორც მეთოდოლოგიურ, ასევე პრაქტიკულ სამუშაოს; საერთაშორისო ექსპერტი ჯგუფის წევრებთან ერთად განიხილავს საქსტატში არსებულ პრაქტიკას და გენდერული ინდიკატორების გაუჯობესებისა და გაფართოების გზებს. მიმდინარე შეხვედრაზე ყურადღება გამახვილდა ისეთ საკითხებზე როგორიცაა - გენდერი საქართველოს კონტექსტში- ეროვნული ვალდებულებები, გენდერული სტატისტიკის ხარვეზები და გამოწვევები, ეროვნული სტატისტიკის სისტემის გენდერული სტატისტიკის სფეროში განხორციელებული აქტივობების შეფასება, ქალთა მიმართ ძალადობის გაზომვის მეთოდები და ცნებები, საქართველოში ქალთა მიმართ ძალადობის შესახებ მონაცემთა ბაზა, მონაცემთა გავცელება/ ვიზუალიზაცია, სტატისტიკური პროდუქტების გამოყენება და ა.შ. საქსტატის აღმასრულებელი დირექტორის გოგიტა თოდრაძის განცხადებით - ძალიან მნიშვნელოვანია მსგავს საკითხებზე საქსტატის თანამშრომლებისთვის ჩატარებული ტრენინგი და საერთაშორისო პრაქტიკის გაზიარება, განსაკუთრებით საქსტატის რეგიონული ბიუროს თანამშრომლების ჩართულობა. საქატატი გააგრძელებს გენდერული სტატისტიკის სრულყოფის მიმართულებით მუშაობას და მომხმარებლებთან აქტიურ თანამშრომლობას.
