ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 19 ივნისი 2013
საქართველოს მთლიანი შიდა პროდუქტი 2013 წლის I კვარტალი 2013 წლის I კვარტალში მთლიანი შიდა პროდუქტის მაჩვენებელმა მიმდინარე ფასებში 5 782,8 მლნ. ლარი შეადგინა. წინა წლის შესაბამისი კვარტალის მიმართ მთლიანი შიდა პროდუქტის რეალური ზრდა 2,4 პროცენტის, ხოლო დეფლატორის ზრდა - 0,4 პროცენტის დონეზე დაფიქსირდა. მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა მრეწველობა (17,3 პროცენტი) და ვაჭრობა (16,3 პროცენტი). შემდგომ პოზიციებს იკავებს ტრანსპორტი და კავშირგაბმულობა (11,0 პროცენტი), სოფლის მეურნეობა, მეთევზეობა (9,9 პროცენტი), სახელმწიფო მმართველობა (9,2 პროცენტი), ჯანმრთელობის დაცვა და სოციალური დახმარება (6,6 პროცენტი). ზრდა აღინიშნებოდა შემდეგ დარგებში: კავშირგაბმულობა (7,9 პროცენტი), ვაჭრობა (6,8 პროცენტი), სოფლის მეურნეობა, მეთევზეობა (6,7 პროცენტი), საფინანსო საქმიანობა (6,5 პროცენტი), სამთომოპოვებითი მრეწველობა (5,9 პროცენტი), ოპერაციები უძრავი ქონებით, იჯარა და მომხმარებლისათვის მომსახურების გაწევა (5,2 პროცენტი), დამამუშავებელი მრეწველობა (5,1 პროცენტი). კლება დაფიქსირდა მშენებლობაში (9,0 პროცენტი), ელექტროენერგიის, აირისა და წყლის წარმოებასა და განაწილებაში (1,7 პროცენტი) და ტრანსპორტში (0,6 პროცენტი). შენიშვნა: დაზუსტებული მონაცემები გამოქვეყნდება 2013 წლის 15 ნოემბერს.
