ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 28 მაისი 2019
საქართველოს სტატისტიკის ეროვნულმა სამსახურმა ახალი პროდუქტი - ფასების კალეიდოსკოპის პრეზენტაცია გამართა. ახალი პროდუქტი ღონისძიებაზე მოწვეულ სტუმრებს საქსტატის აღმასრულებელმა დირექტორმა გოგიტა თოდრაძემ გააცნო. მისი განცხადებით „ეს არის სტატისტიკურ მონაცემთა ვიზუალიზაციის თანამედროვე საშუალება, რომელიც გვაძლევს ინფლაციის მაჩვენებლის სრულყოფილი გაანალიზების შესაძლებლობას. ფასების კალეიდოსკოპის დახმარებით შესაძლებელია საქონლისა და მომსახურების სხვადასხვა ქვეჯგუფზე ფასების ცვლილების მაჩვენებლის შედარება, ასევე ინფლაციის მაჩვენებლის ფორმირებაში მონაწილე საქონლისა და მომსახურების წონების განსაზღვრა სამომხმარებლო კალათაში.
ღონისძიებაზე მოწვეულ სტუმრებთან გოგიტა თოდრაძემ ასევე დეტალურად ისაუბრა ინფლაციის გაანგარშების მეთოდოლოგიაზე.
ფასების კალეიდოსკოპი მსოფლიოში მხოლოდ რამდენიმე ქვეყნის სტატისტიკური სამსახურის მიერ არის დანერგილი, რომელთა შორისაა გერმანია, უნგრეთი და ახალი ზელანდია. საქსტატის ახალი პროდუქტი ყოველთვიურად განახლდება და ხელმისაწვდომი იქნება საქსტატის ვებ-გვერდზე.
იხილეთ ფასების კალეიდოსკოპის ბმული:
http://kaleidoscope.geostat.ge/kaleidoscope/index.php?lang=ka
