ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 4 ივლისი 2019
დღეს 4 ივლისს, უწყებათაშორისი საბჭოს პირველი სხდომა გაიმართა. უწყებათაშორისი საბჭო სტატისტიკის სისტემის 2020-2023 წლების სტრატეგიისა და სამოქმედო გეგმის შემუშავების მიზნით, საქართველოს მთავრობის დადგენილების საფუძველზე მიმდინარე წლის აპრილში შეიქმნა. საბჭოს თავმჯდომარე საქსტატის აღმასრულებელი დირექტორი გოგიტა თოდრაძეა და იგი თერთმეტი უწყების წარმომადგენლისგან შედგება.
სასტუმრო ,,თბილისი რუმსში“ გამართულ შეხვედრაზე საბჭოს წევრებმა სტატისტიკის ეროვნული სისტემის განვითარების სტრატეგიისა და სამოქმედო გეგმის შემუშავების პროცესი მიმოიხილეს. ისაუბერეს არსებულ გამოწვევებსა და სამომავლო გეგმებზე. მონაწილეებს სიტყვით მიმართა საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ. მისი თქმით, “სტრატეგიული დოკუმენტის მომზადების მიზანს წარმოადგენს ქვეყანაში სტატისტიკის სისტემის განვითარება, სტატისტიკურ მონაცემთა შეგროვების, დამუშავების, გავრცელებისა და გამოყენების გაუმჯობესება. ამასთან, აღნიშნული სტრატეგია განიხილება, როგორც ეროვნული პოლიტიკის დოკუმენტი, რომელიც შემუშავდება დაინტერესებული მხარეების აქტიური მონაწილეობით და მოიცავს საშუალო და გრძელვადიან ხედვას ქვეყანაში სტატისტიკის სისტემის შესაძლებლობების გაძლიერებისათვის”.
ღონისძებას უწყებათაშორისი საბჭოს წევრებთან ერთად ესწრებოდნენ გაეროს განვითარების პროგრამის (UNDP) მმართველობის რეფორმის ფონდის (GRF) წარმომადგენლები, ასევე, პროექტში ჩართული საერთაშორისო და ადგილობრივი ექსპერტები. საერთაშორისო ექსპერტებმა საბჭოს წევრებს თემატური პრეზენტაციები და დოკუმენტები გააცვნეს.
გაეროს განვითარების პროგრამის (UNDP) მიერ დაქირავებულმა საერთაშორისო ექსპერტმა - ალპერ გუჯუმენგილმა, დამსწრე საზოგადოებას წარუდ¬გი¬ნა პრეზენტაცია, სტრატეგიის კონცეფციისა და განსახორციელებელი ღონისძიებების შესახებ, ხოლო ჯერი ო’ჰანლონის მიერ, წარმოდგენილი იქნა 2018-2019 წლებში ევროსტატის, გაეროს ევროპის ეკონომიკური კომისიის (UNECE) და ევროპის თავისუფალი ვაჭრობის ასოციაციის (EFTA) მიერ განხორციელებული სტატისტიკის სისტემის გლობალური შეფასების დოკუმენტი და მასში არსებული ძირითადი რეკომენდაციები.
შეხვედრის დასასრულს გაიმართა დისკუსია და წარდგენილ იქნა კონკრეტული გეგმები, სტრატეგიული დოკუმენტის შემუშავებისა და ქვეყანაში სტატისტიკის სისტემის შემდგომი განვითარების თვალსაზრისით.
