ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 20 დეკემბერი 2019
კლასტერული გამოკვლევის - „მიქსი საქართველო 2018“ მონაცემებზე დაყრდნობით გაეროს ბავშვთა ფონდის ორგანიზებით 6-7 დეკემბერს ჰაკატონი - „დაჰაკე ჩარჩოებს მიღმა“ ჩატარდა. ციფრული მარათონის გამარჯვებულები კი 17 დეკემბერს გამოვლინდნენ.
ჰაკატონი, ბავშვის უფლებათა კონვენციის 30 წლის იუბილეს ეძღვნებოდა და მასში 16-24 წლის ახალგაზრდებისგან შემდგარი 14 გუნდი მონაწილეობდა, რომელთა მიზანი იყო ერთობლივად მუშაობა, აზრების გაზიარება და ექპერიმენტირება უახლესი ტექნოლოგიებისა და ინოვაციების გამოყენებით.
ახალგაზრდებისგან შემდგარი სამი გუნდი, რომლებმაც საუკეთესო ციფრულ გადაწყვეტას მიაგნეს, გაეროს ბავშვთა ფონდის წარმომადგენელმა საქართველოში, ღასან ხალილმა და საქართელოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ დააჯილდოვეს.
ჰაკათონის მონაწილეებმა იმუშავეს შემდეგი საკითხების გადასაჭრელად:
• ბავშვის აღზრდისას ძალადობრივი მეთოდების გამოყენება
• მოზარდების განვითარება
• სისხლში მომატებული ტყვიის შემცველობა ბავშვებში
მრავალინდიკატორული კლასტერული გამოკვლევა (MICS), საქართველოს სტატისტიკის ეროვნულმა სამსახურმა გაეროს ბავშვთა ფონდის და დაავადებათა კონტროლისა და საზოგადოებრივი ჯანმრთელობის ეროვნული ცენტრის ტექნიკური და ფინანსური დახმარებით ჩაატარა. გამოკვლევაში მნიშვნელოვანი ფინანსური წვლილი შეიტანეს ორგანიზაციებმა: SIDA, USAID, AFD, SDC, UNFPA, UNDP, WHO, მსოფლიო ბანკმა და იტალიის ჯანმრთელობის ეროვნული ინსტიტუტმა.
