ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 11 თებერვალი 2020
საქართველოს სტატისტიკის ეროვნულმა სამსახურმა ამერიკის შეერთებული შტატების სოფლის მეურნეობის დეპარტამენტის (USDA) ექსპერტთა მისიას უმასპინძლა. ვიზიტის მიზანს წარმოადგენდა სოფლის მეურნეობის სტატისტიკის მიმართულებით არსებული მდგომარეობის შეფასება და მომავალი თანამშრომლობის სამოქმედო გეგმის შემუშავება.
მისიის ფარგლებში, შეხვედრა მოეწყო შიდა ქართლისა და სამცხე-ჯავახეთის რეგიონებში სტატისტიკის ბიუროების ხელმძღვანელებთან, სასოფლო მეურნეობათა სტატისტიკური გამოკვლევის საველე პერსონალთან და გამოკვლევაში მონაწილე ფერმერებთან.
მისიის ბოლოს ამერიკელი ექსპერტები საქართველოს სტატისტიკის ეროვნული სამსახურის აღმასრულებელ დირექტორს გოგიტა თოდრაძეს შეხვდნენ. მხარეებმა შეხვედრაზე შეაჯამეს ვიზიტის შედეგები. უწყების ხელმძღვანელის განცხადებით, ამერიკის შეერთებული შტატების სოფლის მეურნეობის დეპარტამენტი წლების მანძილზე ნაყოფიერად თანამშრომლობს საქსტატთან, რაც სხვადასხვა სახის მეთოდოლოგიურ და ტექნიკურ მხარდაჭერაში გამოიხატება. მხარეები ურთიერთობის გაგრძელებაზე და მომავალი თანამშრომლობის ფორმატზე შეთანხმდნენ.
