ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 19 თებერვალი 2020
საქართველოს სტატისტიკის ეროვნული სამსახური რეგიონებში გასვლით საინფორმაციო შეხვედრებს განაგრძობს.. 19 თებერვალს საქსტატის აღმასრულებელმა დირექტორმა გოგიტა თოდრაძემ, ქ. ქუთაისში, იმერეთში სახელმწიფო რწმუნებულის პირველ მოადგილესთან იოსებ ხახალეიშვილთან გამართა. შეხვედრას ესწრებოდა რეგიონის თორმეტივე მუნიციპალიტეტის მერი, ადგილობრივი თვითმმართველობის და ასევე, იმერეთის სტატისტიკის ბიუროს წარმომადგენლები.
შეხვედრის მთავარ მიზანს ადგილობრივი თვითმმართველობისათვის საქსტატის მომავალი გეგმების გაცნობა და მათი საჭიროებების დადგენა წარმოადგენდა.
საქსტატის აღმასრულებელი დირექტორის გოგიტა თოდრაძის განცხადებით, რეგიონული სტატისტიკური მონაცემების გამოყენება დახმარებას გაუწევს ადგილობრივ თვითმმართველობას სწორი გადაწყვეტილებების მიღებაში. მსგავსი სახის საინფორმაციო შეხვედრები მნიშვნელოვანია და უზრუნველყოფს სტატისტიკური ინფორმაციის მომხმარებლების ინფორმირებულობას მათთვის საინტერესო საკითხებთან დაკავშირებით.
საქსტატი გეგმავს კონსულტაციები გამართოს ყველა რეგიონის ადგილობრივ თვითმმართველობებთან, რაც გულისხმობს რეგიონულ და მუნიციპალურ დონეზე მოთხოვნებისა და საჭიროებების შესწავლას და აქტიურ დიალოგს თვითმმართველობის წარმომადგენლებთან.
