ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 25 ივლისი 2020
25 ივლისი საქართველოს სტატისტიკის დღეა. ქართული სტატისტიკის დღესთან დაკავშირებით საქართველოს სტატისტიკის ეროვნულმა სამსახურმა დაარსებიდან 101-ე საიუბილეო წელი აღნიშნა. იუბილეზე უწყებამ წარმატებული და ღვაწლმოსილი თანამშრომლები, ინფორმაციის მომწოდებელი საუკეთესო ბიზნეს კომპანიები, ასევე საერთაშორისო და ადგილობრივი პარტნიორი ორგანიზაციები სპეციალური სიგელებით დააჯილდოვა.
დამსწრე საზოგადოებას მისასალმებელი სიტყვით საქსტატის აღმასრულებელმა დირექტორმა, გოგიტა თოდრაძემ მიმართა. უწყების ხელმძღვანელმა პრეზენტაციის სახით, საქსტატში განხორციელებული და დაგეგმილი პროექტები წარმოადგინა. მან ასევე იმ გამოწვევებსა და რეფორმებზე ისაუბრა, რომელიც დღესდღეობით საქსტატში მიმდინარეობს. გოგიტა თოდრაძემ მადლობა გადაუხადა სამსახურის თითოეულ თანამაშრომელს ნაყოფიერი საქმიანობისთვის.
ქვეყნის პირველი სტატისტიკის სამსახური 1919 წლის 25 ივლისს შეიქმნა. შესაბამისად აღნიშნული თარიღი საქართველოში ოფიციალური სტატისტიკის წარმოების დაწყებას უკავშირდება.
