ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 სექტემბერი 2020
საქართველოს სტატისტიკის ეროვნული სამსახური პირველად საქართველოში დროის გამოყენების გამოკვლევას ჩაატარებს.
გამოკვლევა გაეროს ქალთა ორგანიზაციის (UN Women) ფინანსური და ტექნიკური მხარდაჭერით ტარდება და მასში შემთხვევითი შერჩევის პრინციპით მთელი ქვეყნის მასშტაბით 3 120 შინამეურნეობა მიიღებს მონაწილეობას.
ამ მიზნით, გამოკვლევაში მონაწილე 90-მდე საველე პერსონალს სექტემბერში ტრენინგი ჩაუტარდა, სადაც დეტალურად გაეცნენ კითვარებისა და დროის გამოყენების დღიურის შევსების ინსტრუქციასა და საველე პროცედურებებთან დაკავშირებულ საკითხებს.
გამოკვლევის მიზანია დროის გამოყენების შესახებ სტატისტიკური ინფორმაციის შეგროვება, რაც პირველ რიგში გულისხმობს ინფორმაციის მიღებას ქალებისა და კაცების მიერ სხვადასხვა აქტივობებზე დახარჯული დროის შესახებ.
გამოკვლევის შედეგები ხელმისაწვდომი იქნება სხვადასხვა ჭრილში, მათ შორის დასახლების ტიპის, დასაქმების, განათლების, ჯანმრთელობის მდგომარეობის მიხედვით.
