ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 10 ივლისი 2020
საქართველოს სტატისტიკის ეროვნული სამსახური 9-10 ივლისს, გენდერული სტატისტიკის საკითხებზე, გასვლით სამუშაო შეხვედრებს მართავს.
პირველი სამუშაო შეხვედრა ქ. ბორჯომში, ევროკავშირის მიერ დაფინანსებული პროექტის "ევროკავშირი გენდერული თანასწორობის უწყებათაშორისი კომისიის მხარდასაჭერად" ფარგლებში ტარდება და მასში საქსტატის აღმასრულებელ დირექტორთან ერთად მონაწილეობას იღებს საქართველოს რეგიონული განვითარებისა და ინფრასტრუქტურის მინისტრის მოადგილე ქ-ნი მზია გიორგობიანი, ასევე ქ. თბილისის, ქვემო ქართლის, შიდა ქართლისა და კახეთის რეგიონების მუნიციპალიტეტების რამდენიმე ქალაქის მერი და მათი წარმომადგენლები.
ორ დღიანი სამუშაო შეხვედრისას მონაწილეები გაეცნოებიან საქართველოს სტატისტიკის სისტემის განვითარების ძირითად მიმართულებებს, საქსტატის მიერ წარმოებულ პროდუქტებს და 2020-2023 წლების განვითარების სტრატეგიას; ასევე განიხილავენ გენდერული სტატისტიკის ინდიკატორებს და მათ გამოყენებასთან დაკავშირებულ საკითხებს; იმსჯელებენ გენდერული სტატისტიკის ინდიკატორებზე და მონაცემთა საჭიროებებზე დაგეგმვისა და გადაწყვეტილების მისაღებად.
აღნიშნული პროექტის ფარგლებში სამუშაო შეხვედრები 13-დან 17 ივლისის ჩათვლით გაგრძელდება, სადაც მონაწილეობას მიიღებს ქვეყნის ყველა მუნიციპალიტეტის მერი და გადაწყვეტილების მიმღები პირები.
