ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 18 დეკემბერი 2019
9 დეკემბრიდან 20 დეკემბრის ჩათვლით საქსტატში სამუშაო ვიზიტით საერთაშორისო სავალუტო ფონდის ექსპერტი იმყოფება. ეს არის რიგით მეოთხე მისია „აღმოსავლეთ და სამხრეთ-აღმოსავლეთ ევროპაში ეროვნული ანგარიშებისა და ფასების სტატისტიკის გაუმჯობესების პროექტის“ ფარგლებში (Project to Improve National Accounts and Price Statistics in Eastern and Southeastern Europe). ვიზიტის მთავარ მიზანს წარმოადგენს მომსახურების სფეროში მწარმოებელთა ფასების სტატისტიკის დაფარვის გაუმჯობესება, ამ სახის ინფორმაციაზე მომხმარებელთა მხრიდან მზარდი მოთხოვნილების საპასუხოდ. გარდა ამისა, აღნიშნული განვითარება გააუმჯობესებს მთლიანი შიდა პროდუქტის დეფლირების პროცესს.
სავალუტო ფონდის რეკომენდაციით, 2018 წლიდან სისტემატიურად მიმდინარეობს სამუშაოები მწარმოებელთა ფასების ახალი ინდექსების დანერგვის მიზნით. გამოკვლევების შედეგების ერთი ნაწილის გამოქვეყნება უკვე 2020 წლიდან იგეგმება.
ახალი მიმართულებების განვითარების პარალელურად, სამუშაო ვიზიტის ფარგლებში მიმდინარეობს უკვე არსებული ინდიკატორების ხარისხის გაუმჯობესებაზე ორიენტირებული რეკომენდაციების შემუშავება. მათი შესრულება ხელს შეუწყობს საქართველოში ფასების სტატისტიკის კიდევ უფრო მეტ ჰარმონიზაციას საერთაშორისო სტანდარტებთან.
