ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 1 ნოემბერი 2019
საქართველოს სტატისტიკის ეროვნული სამსახური, ევროკავშირის მიერ და¬ფი¬ნანსებული Twining-ს პროექტის ფარგლებში, საერთაშორისო ექსპერტთა მისიას მასპინძლობს. ჩეხმა ექსპერტებმა მიმდინარე კვირის განმავლობაში სამუშაო შეხვედრები საქსტატის ეროვნული ანგარიშების დეპარტამენტის თანამშრომლებთან გამართეს. სამუშაო შეხვედრის ფარგლებში მხარეებმა ისეთი მნიშვნელოვანი საკითხები განიხილეს, როგორიცაა: კვარტალური მთლიანი შიდა პროდუქტის გაანგარიშების მეთოდიკა, ზრდის ჯაჭვური ინდექსების დროითი მწკრივების აგება, ასევე მთლიანი შიდა პროდუქტის წარმოების, დანახარჯების და შემოსავლების მეთოდით შესაბამისობაში მოყვანა, რომელიც ეფუძნება ეროვნული ანგარიშების სისტემას SNA 2008 და ეკონომკური საქმიანობა NACE rev.2.
საქსტატის ეროვნული ანგარიშების დეპარტამენტის თანამშრომლები ჩეხ კოლეგებთან ერთად, ინტენსიურად აგრძელებენ მუშაობას ეროვნული ანგარიშების სისტემის ახალი მეთოდოლოგიის (SNA 2008) დანერგვაზე. ეროვნული ანგარიშების სისტემის ახალი მეთოდოლოგიის (SNA 2008) დანერგვის ვალდებულება განსაზღვრულია საქართველოსა და ევროკავშირს შორის ასოცირების შესახებ შეთანხმების სამოქმედო გეგმით. ახალი მეთოდოლოგიით დათვლილი ეროვნული ანგარიშების მონაცემები 15 ნოემბერს გამოქვეყნდება.
