ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 1 მაისი 2019
გაეროს ბავშვთა ფონდის (UNICEF) ორგანიზებით, კაჭრეთში, სასტუმრო „ამბასადორში“ მრავალინდიკატორული კლასტერული კვლევის (MICS) შედეგების შეჯამების სამუშაო შეხვედრა მიმდინარეობს. შეხვედრის განმავლობაში საქსტატის წარმომადგენლები დაინტერესებულ მხარეებს ეროვნული კვლევის - „მიქსი საქართველო 2018“-ის შედეგებს გააცნობენ.
შეხვედრის პირველ დღეს, მონაწილეებს მისასალმებელი სიტყვით მიმართეს გაეროს ბავშთა ფონდის წარმომადგენლის მოადგილემ ბატონმა გოტფრიდ ჰანემ, საქსტატის და საქართველოში გაეროს ბავშვთა ფონდის წარმომადგენლებმა.
სამუშაო შეხვედაში მონაწილეობენ გაეროს ბავშვთა ფონდის (UNICEF), გაეროს მოსახლეობის ფონდის (UNFPA), ჯანდაცვის მსოფლიო ორგანიზაციის (WHO), საქართველოს გარემოს დაცვისა და სოფლის მეურნეობის სამინისტროს, საქართველოს რეგიონალური განვითარებისა და ინფრასტრუქტურის სამინისტროს, საქართველოს განათლების, მეცნიერების, კულტურისა და სპორტის სამინისტროს და საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს წარმომადგენლები. სამუშაო შეხვედრა 30 აპრილს დაიწყო და 4 მაისამდე გაგრძელდება.
სხვადასხვა უწყების წარმომადგენლებიდან მიღებული საკვანძო გზავნილები მნიშვნელოვან დახმარებას გაუწევს საქსტატს მიქსის ეროვნული კვლევის საბოლოო ანგარიშის მომზადებაში.
