ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 ნოემბერი 2018
2018 წლის 14 ნოემბერს, საქართველოს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ მონაწილეობა მიიღო თბილისში გამართულ ევროკავშირის პროექტის „ერთიანი გარემოსდაცვითი საინფორმაციო სისტემების პრინციპებისა და პრაქტიკის განხორციელება აღმოსავლეთ პარტნიორობის ქვეყნებში“ (ENI SEIS II East) პროექტის მმართველი კომიტეტის მესამე შეხვედრაში.
შეხვედრის მიზანს წარმოადგენდა აღმოსავლეთ პარტნიორობის ქვეყნებში (უკრაინა, მოლდოვა, ბელარუსი, საქართველო, სომხეთი, აზერბაიჯანი) პროექტის მიმდინარეობის და მიღწეული შედეგების განხილვა და ასევე მომავალი წლის ქმედებების დაგეგმვა, როგორც ეროვნულ ასევე რეგიონულ დონეზე.
გოგიტა თოდრაძემ მისასალმებელი სიტყვით მიმართა ღონისძიების მონაწილეებს, მადლობა გადაუხადა პროექტში ჩართულ მხარეებს გაწეული საქმიანობისათვის და ხაზი გაუსვა გარემოს სტატისტიკის გაძლიერების მნიშვნელობის საკითხს.
ამასთან, ხაზი გაესვა საქსტატის მზაობას ხელი შეუწყოს თანამშრომლობის განვითარებას საერთაშორისო პრინციპების დანერგვის, საჭირო მონაცემების ხელმისაწვდომობის უზრუნველყოფისა და ევროპული სტანდარტების შესაბამისი გარემოსდაცვითი ინდიკატორების წარმოების კუთხით.
