შეხვედრა გენდერული სტატისტიკის საკითხებზე

თარიღი: 5 ოქტომბერი 2018

დღეს სასტუმრო რუმსს-ში გაეროს ქალთა ორგანიზაციის (UNWOMEN)-მიერ ორგანიზებული შეხვედრა გაიმართა, სადაც ორგანიზაციის უცხოელმა კონსულტანტმა ჯესიკა გარდნერმა წარადგინა მოხსენება გენდერული სტატისტიკის წარმოების ეროვნული სისტემის შეფასების შესახებ და ისაუბრა დარგში არსებულ გამოწვევებსა და მიგნებებზე.

შეხვედრის მონაწილეებს მისასალმებელი სიტყვით საქართველოს სტატისტიკის ეროვნული სამსახურის აღმასრულებელი დირექტორის მოადგილემ პაატა შავიშვილმა მიმართა. მისი თქმით - „გენდერული სტატისტიკის წარმოების მხრივ საქსტატის მიერ გაწეული საქმიანობის შეფასება და რეკომენდაციების მიღება მნიშვნელოვანია. გენდერულ სტატისტიკასთან დაკავშირებული აქტივობები 1999 წლიდან დაიწყო და ვფიქრობ, რომ ჩვენი სამსახურის მიერ წინ გადადგმული ნაბიჯები საკმაოდ მნიშვნელოვანია. უნდა აღინიშნოს, რომ საქსტატის მნიშვნელოვანი ფუნქციაა გენდერულ თანასწორობასთან დაკავშირებული მდგრადი განვითარების (SDG) მიზნებში გაწერილი გენდერული ინდიკატორების მოძიება, მისი წარმოება, დამუშავება და ანალიზი. მადლობას ვუხდი ქალბატონ ჯესიკას, მოწვეულ ექსპერტს, გაწული საქმიანობისათვის და სიამოვნებით მოვისმენ მის შეფასებას და ანალიზს გენდერული სტატისტიკის წარმოებასთან დაკავშირებულ საკითხებზე და ასევე რეკომენდაციებს გენდერული სტატისტიკის გაუმჯობესების შესახებ.“