ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 18 ივლისი 2018
საქართველოს სტატისტიკის ეროვნულ სამსახურში ერთკვირიანი ვიზიტით გაეროს სურსათისა და სოფლის მეურნეობის ორგანიზაციის (FAO) წარმომადგენლები იმყოფებოდნენ. შეხვედრის მთავარ თემას წარმოადგენდა სოფლის მეურნეობის სტატისტიკის წარმოების მიმართულებით ახალი ღონისძიებების დაგეგმვა-განხორციელება. FAO საქსტატს გაუწევს ტექნიკურ დახმარებას სოფლის მეურნეობის ინტეგრირებული გამოკვლევის (AGRIS) პროგრამის ფარგლებში,რომლითაც საქსტატი შეძლებს სოფლის მეურნეობის სტატისტიკის მიმართულებით ახალი ინდიკატორების წარმოებას. AGRIS- ი ასევე ითვალისწინებს მდგრადი განვითარების გეგმით განსაზღვრული რამდენიმე ინდიკატორის წარმოებას. შეხვედრაზე მხარეებმა განიხილეს სამუშაოთა გეგმა და ვადები.
აღსანიშნავია, რომ საქართველო შეირჩა AGRIS- ის გამოკვლევის საპილოტე ქვეყნად მსოფლიოს ხუთ ქვეყანას შორის. FAO-ს ექსპერტების მოსაზრებით ეს განპირობებულია საქართველოში სოფლის მეურნეობის სტატისტიკის კარგი ხელმისაწვდომობით, თუმცა თანამედროვე გამოწვევების და მომხარებელთა მზარდი მოთხოვნის საპასუხოდ მნიშვნელოვანია ახალ მონაცემებზე საჭიროების განსაზღვრა და შემდგომი წარმოება. პროექტის ფარგლებში დაგეგმილია საქსტატში სოფლის მეურნეობის სტატისტიკის მიმართულებით არსებული გამოკვლევების გადახედვა და მოდერნიზაცია.
