ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
თარიღი: 28 ივნისი 2021
დღეს, 28 ივნისს საქსტატის აღმასრულებელმა დირექტორმა გოგიტა თოდრაძემ, გაეროს აზიისა და წყნარი ოკეანის ეკონომიკური და სოციალური კომისიის (ESCAP) პანელურ შეხვედრაზე, სამოქალაქო აქტების რეგისტრაციისა და ბუნებრივი მოძრაობის სტატისტიკაში, ქვეყნის შუალედური ანგარიში წარადგინა.
შეხვედრაზე გოგიტა თოდრაძემ დამსწრე საზოგადოებას გააცნო ქვეყანაში ბუნებრივი მოძრაობის სტატისტიკის წარმოებისა და აღრიცხვის თავისებურებანი. ყურადღება გაამახვილა ბოლო წლებში ამ მიმართულებით განხორციელებულ ცვლილებებზე და ისაუბრა ბუნებრივი მოძრაობის სტატისტიკის ყოველწლიური ანგარიშის შესახებ, რომელიც მომზადდა ბლუმბერგის საქველმოქმედო ფონდისა („ინიციატივა ჯანდაცვის სფეროში“) და გაეროს ESCAP-ის მხარდაჭერით.
შეხვედრას ესწრებოდნენ გაეროს გენერალური მდივნის მოადგილე, გაეროს ESCAP-ის სტატისტიკის სამმართველოს ხელმძღვანელი, გაეროს ESCAP-ის სამოქალაქო აქტების რეგისტრაციისა და ბუნებრივი მოძრაობის სტატისტიკის სამუშაო ჯგუფის თავმჯდომარე, რამდენიმე ქვეყნის იუსტიციის მინისტრი, ასევე საერთაშორისო და არასამთავრობო ორგანიზაციის ასამდე წარმომადგენელი.
