ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 ნოემბერი 2021
საქართველოს სტატისტიკის ეროვნულმა სამსახურმა 13-14 ნოემბერს მასმედიის წარმომადგენლებისათვის სასწავლო სემინარი გამართა. ჟურნალისტებთან შეხვედრა გაეროს განვითარების პროგრამისა (UNDP) და შვედეთის მთავრობის მიერ დაფინანსებული პროექტის - “საქსტატის ინფრასტრუქტურის გაძლიერება და შესაძლებლობების განვითარება" ფარგლებში ჩატარდა.
ორი დღის განმავლობაში სემინარზე მედიის წარმომადგენლებს მიეწოდათ ინფორმაცია სტატისტიკურის მონაცემების წარმოების, გავრცელების და გამოყენების შესახებ.
სემინარის მონაწილეებმა იმსჯელეს ისეთ მნიშვნელოვან საკითხებზე როგორიცაა: მშპ, ეკონომიკური ზრდის ტენდეციები, პირდაპირი უცხოური ინვესტიციები, საგარეო ვაჭრობა, დასაქმება/უმუშევრობის და ხელფასების სტატისტიკა და სხვა. ორდღიან სამუშაო შეხვედრაზე მონაწილეებმა ასევე ამომწურავი ინფორმაცია მიიღეს მონაცემთა შეგროვების თანამედროვე ტექნოლოგიებზე და ამ მიმართულებით საქსტატის გეგმებზე.
საქსტატის აღმასრულებელი დირექტორის, გოგიტა თოდრაძის განცხადებით, ჟურნალისტებთან მსგავსი სახის შეხვედრები ძალიან მნიშვნელოვანია და ხელს შეუწყობს მედია წარმომადგენლების უკეთ ინფორმირებულობას უწყებაში მიმდინარე და დაგეგმილი სიახლეების შესახებ. მისი თქმით, მსგავსი ტიპის მედია სემინარების ჩატარება მომავალშიც იგეგმება.
