ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 20 იანვარი 2022
2022 წლის 20 იანვარს გაეროს აზიისა და წყნარი ოკეანის ეკონომიკური და სოციალური კომისიის (ESCAP) სტატისტიკის კომიტეტის ბიუროს მორიგი სხდომა გაიმართა.
ბიუროს სხდომას, რომელიც წელს პირველად ჩატარდა, საქსტატის აღმასრულებელი დირექტორი გოგიტა თოდრაძე ხელმძღვანელობდა, გაეროს ESCAP-ის სტატისტიკის კომიტეტის თავმჯდომარის რანგში.
დღევანდელი შეხვედრის თემას სტატისტიკის კომიტეტის რიგით მე-8 სესიის დღის წესრიგი და მოსამზადებელი სამუშაოები, 2022 წლის მარტში დაგეგმილი გაეროს სტატისტიკის კომისიის 53-ე სესიაზე განსახილველი საკითხები, ასევე კომიტეტისა და ბიუროს სამომავლო გეგმები წარმოადგენდა.
შეხვედრა მისასალმებელი სიტყვით საქსტატის აღმასრულებელმა დირექტორმა გოგიტა თოდრაძემ გახსნა და ბიუროს წევრებს გაეროს ESCAP-ის სტატისტიკის კომიტეტის ახალი დირექტორი წარუდგინა, რომელიც 2021 წლის ნოემბერში დაინიშნა.
შეხვედრაზე მონაწილეებმა ასევე ისაუბრეს 2021 წლის ოქტომბერს, ქ. ბერნში (შვეიცარია) ჩატარებულ გაეროს მსოფლიო მონაცემთა ფორუმზე და მიღწეულ შედეგებზე.
ბიუროს სხდომას გაეროს ESCAP-ის სტატისტიკის კომიტეტის სამდივნო, ბიუროს წევრები, აზიისა და წყნარი ოკეანეს ქვეყნების სტატისტიკური სამსახურების ხელმძღვანელი პირები, ასევე საერთაშორისო ორგანიზაციის წარმომადგენლები ესწრებოდნენ.
შეგახსენებთ, რომ საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე გაეროს აზიისა და წყნარი ოკეანის ეკონომიკური და სოციალური კომისიის ბიუროს თავმჯდომარედ, ორი წლის ვადით 2020 წლის აგვისტოში აირჩიეს.
