ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 17 თებერვალი 2022
დღეს 17 თებერვალს გაეროს აზიისა და წყნარი ოკეანის ეკონომიკური და სოციალური კომისიის (ESCAP) სტატისტიკის კომიტეტის ბიუროს სხდომა გაიმართა.
ბიუროს რიგით მეშვიდე შეხვედრა, ონლაინ რეჟიმში გაეროს სტატისტიკის კომისიის 53-ე სესიის ფარგლებში გაიმართა. ბიუროს სხდომას, გაეროს ESCAP-ის სტატისტიკის კომიტეტის თავმჯდომარის რანგში, საქსტატის აღმასრულებელი დირექტორი გოგიტა თოდრაძე ხელმძღვანელობდა.
შეხვედრას გაეროს ESCAP-ის სტატისტიკის კომიტეტისა და ბიუროს წევრები, გაეროს ESCAP-ის სტატისტიკური განყოფილების სამდივნო, აზიისა და წყნარი ოკეანეს ქვეყნების სტატისტიკის სამსახურების ხელმძღვანელი პირები და სხვადასხვა საერთაშორისო და არასამთავრობო ორგანიზაციების წარმომადგენლები ესწრებოდნენ.
ბიუროს სხდომა მისასალმებელი სიტყვით საქსტატის აღმასრულებელმა დირექტორმა გოგიტა თოდრაძემ გახსნა და აღნიშნა, რომ სხდომის მთავარ მიზანს გაეროს სტატისტიკის კომისიის 53-ე სესიის წინ მოსაზრებების გაზიარება და რეგიონული მნიშვნელობის საკითხების განხილვა წარმოადგენდა, როგორიცაა გაეროს მდგრადი განვითარების მიზნების 2030 წლის დღის წესრიგის განხორციელების მონიტორინგი, გარემოსდაცვითი-ეკონომიკური ანგარიშები, კლიმატის ცვლილებების სტატისტიკა, დიდი მონაცემები და სხვა.
დღევანდელ შეხვედრაზე მონაწილეებმა ასევე განიხილეს გაეროს ESCAP-ის სტატისტიკის კომიტეტის 8-ე სხდომის დღის წესრიგი და სამომავლო გეგმები.
შეხვედრის ბოლოს სტატისტიკის ეროვნული სამსახურის აღმასრულებელმა დირექტორმა მადლობა გადაუხადა გაეროს ESCAP-ის სტატისტიკის სამდივნოსა და მონაწილეებს, ღონისძების ორგანიზებისა და მომავალი ნაყოფიერი თანამშრომლობისთვისთვის მზადყოფნა გამოთქვა.
