ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 4 მარტი 2022
საქსტატის აღმასრულებელი დირექტორი გოგიტა თოდრაძე გაეროს სტატისტიკის კომისიის 53-ე სესიაში მონაწილეობს. შეხვედრა ონლაინ რეჟიმში მიმდინარეობს.
გაეროს სტატისტიკის კომისიის (UNSC) შეხვედრა ქ. ნიუ-იორკში ყოველწლიურად იმართება და მასში მონაწილეობენ გაეროს წევრი ქვეყნების სტატისტიკის სამსახურის ხელმძღვანელი პირები და საერთაშორისო ორგანიზაციების წარმომადგენლები.
ის წარმოადგენს უმაღლესი დონის მთავრობათაშორის ფორმატს და საერთაშორისო დონეზე, სტატისტიკური საქმიანობების შესახებ გადაწყვეტილებების მიმღებ უმაღლეს ორგანოს, რომელიც ზედამხედველობას უწევს გაეროს სტატისტიკის სამმართველოს (UNSD).
საქართველო აღნიშნული კომისიის წევრად 2020 წელს აირჩიეს. წევრობის მანდატი მოიცავს 2020-2023 წლების პერიოდს.
53-ე სესიის ფარგლებში, გოგიტა თოდრაძე საქართველოს გარდა, პარალელურად გაეროს აზიისა და წყნარი ოკეანის ქვეყნების (ESCAP) სტატისტიკის კომიტეტს წარმოადგენს, ბიუროს თავმჯდომარის რანგში.
სესიის მიმდინარეობისას იგი მონაწილეობს სხვადასხვა თემატურ დისკუსიაში, მოხსენებით მიმართავს კომისიის წევრებს, უცხოელ კოლეგებს გააცნობს ქვეყნის სტატისტიკის სიტემაში გასული წლის განმავლობაში განხორციელებულ ცვლილებებს, არსებულ გამოწვევებს და ისაუბრებს სამომავლო გეგმებზე და პრიორიტეტებზე.
