ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 4 ივლისი 2022
საქართველოს სტატისტიკის ეროვნული სამსახური - „ბავშვთა კეთილდღეობის გამოკვლევას“ ატარებს.
გამოკვლევა გაეროს ბავშვთა ფონდის (UNICEF) ტექნიკური და ფინანსური მხარდაჭერით 2022 წლის მესამე კვარტალში ჩატარდება და მასში მთელი ქვეყნის მასშტაბით 1400-მდე შინამეურნეობა მიიღებს მონაწილეობას.
ამ მიზნით, გამოკვლევაში მონაწილე 130-მდე საველე პერსონალს 27 ივნისიდან 4 ივლისის ჩათვლით, ფართომასშტაბიანი ტრენინგი უტარდებათ. საქსტატის ინტერვიუერები დეტალურად გაეცნობიან გამოკვლევის მეთოდოლოგიას, კითხვარების შევსების ინსტრუქციასა და საველე პროცედურებთან დაკავშირებულ საკითხებს.
გამოკვლევის მიზანია ინფორმაციის შეგროვება 0-18 წლის ბავშვთა მდგომარეობის შესახებ. გამოკვლევის ფარგლებში შეგროვდება ინფორმაცია ბავშვთა კეთილდღეობის სხვადასხვა ასპექტთან დაკავშრებით, როგორიცაა განათლებაზე ხელმისაწვდომობა, სასკოლო კვება, ხელმისაწვდომობა სამედიცინო მომსახურებაზე, ბავშვთა დაცვა, ბავშვთა მატერიალური დანაკლისი და სოციალური დაცვა, დამოკიდებულება შეზღუდული შესაძლებლობის მქონე პირების მიმართ, ბავშვის ფუნქციური შეზღუდვები და სხვა.
