ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 8 ივლისი 2022
საქართველოს სტატისტიკის ეროვნულ სამსახურსა და საქართველოს მეცნიერებათა ეროვნულ აკადემიას შორის მემორანდუმი გაფორმდა.
ორმხრივ დოკუმენტს ხელი საქსტატის აღმასრულებელმა დირექტორმა გოგიტა თოდრაძემ და საქართველოს მეცნიერებათა ეროვნული აკადემიის პრეზიდენტმა გიორგი კვესიტაძემ მოაწერა.
სამი წლის ვადით გაფორმებული მემორანდუმი, მხარეთა შორის ხარისხიან და ობიექტურ სტატისტიკური ინფორმაციის წარმოებასა და გაცვლას შეუწყობს ხელს.
ღონისძიება საქართველოს მეცნიერებათა ეროვნული აკადემიის პრეზიდენტმა გიორგი კვესიტაძემ გახსნა. დისკუსიის ფარგლებში სიტყვით გამოვიდნენ საქართველოს ტექნიკური უნივერსიტეტის რექტორი დავით გურგენიძე, საქართველოს მეცნიერებათა ეროვნული აკადემიის აკადემიკოსი ლადო პაპავა და თბილისის სახელმწიფო უნივერსიტეტის პროფესორი თემურ ბერიძე.
როგორც სტატისტიკის ეროვნულ სამსახურის აღმასრულებელმა დირექტორმა გოგიტა თოდრაძემ აღნიშნა, ურთიერთანამშრომლობის ფარგლებში საქსტატი კანონმდებლობით დადგენილი წესით, სტატისტიკურ სამუშაოთა პროგრამის ფარგლებში, აკადემიას მისი მიზნებისა და ამოცანების შესრულებისთვის საჭირო სტატისტიკურ ინფორმაციას მიაწვდის და უზრუნველყოფს მისი ინტერესების სფეროში შემავალი სტატისტიკური პროდუქტებით.
თავის მხრივ აკადემია უზრუნველყოფს საქსტატის თანამშრომელთა მონაწილეობას სამეცნიერო-კვლევითი პროექტების განხორციელებაში და ხელს შეუწყობს საქმიანობის ძირითადი მიმართულებების შესახებ სამუშაო შეხვედრების ორგანიზებას.
სამომავლო ურთიერთობების დაგეგმვის და აზრთა გაზიარების მიზნით აკადემია და საქსტატი პერიოდულად უზრუნველყოფენ ერთობლივი ღონისძიებების ჩატარებას.
