ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 13 სექტემბერი 2022
საქართველოს სტატისტიკის ეროვნულ სამსახურს სამუშაო ვიზიტით აზიის განვითარების ბანკის (Asian Development Bank -ADB) მთავარი ეკონომისტი, ბ-ნი ალბერტ პარკი ეწვია.
შეხვედრისას მხარეებმა ისაუბრეს აზიის განვითარების ბანკის მიერ ინიცირებული ტექნიკურ დახმარების შესახებ, რომელიც მოიცავს ოფიციალური სტატისტიკის წარმოების პროცესში ახალი ტექნოლოგიებისა და დიდი მონაცემების (ე.წ. Big data) გამოყენების შესაძლებლობების შეფასებას.
აღნიშნული ტექნიკური დახმარება აერთიანებს სამ კომპონენტს: სატელიტური ანგარიშების წარმოების განვითარებას, მოსახლეობის მობილობის შეფასებას მობილური ოპერატორის მონაცემების გამოყენებით და დისტანციური ზონდირების მეთოდის დანერგვას სოფლის მეურნეობის სტატისტიკაში.
შეხვედრის განმავლობაში საქსტატის აღმასრულებელმა დირექტორმა გოგიტა თოდრაძემ ისაუბრა ტექნიკური დახმარების მიმდინარეობის შესახებ და აზიის განვითარების ბანკის წარმომადგენლებთან ერთად შეაფასა პროექტის მიმდინარეობის პროცესი.
მხარეები შეთანხმდნენ არსებული თანამშრომლობის გაფართოებაზე და ასევე განიხილეს ახალი ერთობლივი პროექტების განხორციელების შესაძლებლობები.
