ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 1 ნოემბერი 2022
საქსტატმა სოფლის მეურნეობის სტატისტიკური ინფორმაციის მომხმარებლებთან სამუშაო შეხვედრა გამართა.
ღონისძიება საქსტატსა და გაეროს სოფლის მეურნეობისა და სურსათის ორგანიზაციას (FAO) შორის, 2022 წელს გაფორმებული ხელშეკრულების ფარგლებში ჩატარდა, რომლის მიხედვითაც საქსტატი ჩაერთო ერთობლივ პროექტში - „50X2030 ინიციატივა“.
პროექტი „50X2030 ინიციატივა“ ორიენტირებულია სოფლის მეურნეობის სტატისტიკის ინფრასტრუქტურის გაუმჯობესებასა და ამ მიმართულებით შესაძლებლობების განვითარებაზე, აგრეთვე სოფლის მეურნეობის შესახებ ოფიციალური სტატისტიკის წარმოების გაფართოებაზე, მონაცემებზე ხელმისაწვდომობის გაზრდასა და მაჩვენებელთა სანდოობის განმტკიცებაზე.
შეხვედრის მიზანს წარმოადგენდა მომხმარებლებისთვის სოფლის მეურნეობის სტატისტიკის წარმოების ძირითადი მიმართულებების გაცნობა, ასევე ახალი სტატისტიკური პროდუქტებისა და პროექტ „50X2030 ინიციატივის“ ფარგლებში მიღწეული შედეგების პრეზენტაცია. შეხვედრაზე ასევე წარდგენილი იყო სასოფლო მეურნეობათა გამოკვლევის 2021 წლის ძირითადი შედეგები.
