ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 ნოემბერი 2022
14 ნოემბერს აზიის განვითარების ბანკის (ADB) ორგანიზებით, ტექნიკური დახმარების პროექტის „ახალი სტატისტიკური რესურსების განვითარება და შესაძლებლობების ზრდა მონაცემთა ახალ წყაროებსა და ტექნოლოგიებში“ შეხვედრა გაიმართა.
პროექტი სამ მიმართულებას მოიცავს: დისტანციური ზონდირება და გეოსივრცითი ანალიზი, სატელიტური ანგარიშების განვითარება ეროვნულ ანგარიშებში და მობილური ოპერატორის მონაცემების გამოყენება მოსახლეობის მობილობის შესაფასებლად.
შეხვედრა მისასალმებელი სიტყვით საქსტატის აღმასრულებელმა დირექტორმ გოგიტა თოდრაძემ გახსნა. როგორც მან აღნიშნა: ,, საქსტატისთვის ერთ-ერთ უმთავრეს პრიორიტეტს წარმოადგენს თანამშრომელთა შესაძლებლობების, მათი პროფესიული უნარების განვითარებაზე ზრუნვა, რაც პირდაპირ კავშირშია ხარისხიანი, გაუმჯობესებული სტატისტიკური მონაცემების წარმოებასთან, ანალიზური საქმიანობის გაუმჯობესებასთან და მონაცემთა გავრცელების თანამედროვე და ეფექტური სისტემების დანერგვასთან.
ღონისძიებაზე სიტყვით გამოვიდა აზიის განვითარების ბანკის წარმომადგენელი საქართველოში ბატონი შეინ როზენტალი, იაპონიის ელჩის მოადგილეს ბატონი სუძუკი ტოშიუკი და იაპონიის საერთაშორისო თანამშრომლობის სააგენტოს მუდმივი წარმომადგენელი საქართველოში ბატონ ჰიროიუკი მორსი.
აღნიშნული პროექტის ფარგლებში 15 ნოემბრიდან 18 ნოემბრის ჩათვლით საქსტატის თანამშრომლებს ჩაუტარდებათ საბაზისო ტრენინგი ისეთ მნიშვნელოვან საკითხზე, როგორიც არის დისტანციური ზონდირება და გეოსივრცითი ანალიზი. აღნიშნულ ტრენინგში მონაწილეობას მიიღებს სოფლის მეურნეობის სტატისტიკისა და აგრეთვე, გეოგრაფიულ საინფორმაციო სისტემების მიმართულებით მომუშავე საქსტატის თანამშრომლები.
