ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 27 ნოემბერი 2022
საქართველოს სტატისტიკის ეროვნულმა სამსახურმა 26-27 ნოემბერს გენდერული სტატისტიკის მომხმარებლებთან სემინარი გამართა. შეხვედრა საქსტატსა და გაეროს ქალთა ორგანიზაციის (UN Women) საქართველოს წარმომადგენლობას შორის დადებული საგრანტო ხელშეკრულების (The Making Every Woman and Girl Count) ფარგლებში გაიმართა და მასში მონაწილეობას იღებდა სახელმწიფო მმართველობის, არასამთავრობო ორგანიზაციების, აკადემიური წრეებისა და მედიის წარმომადგენლები.
ორი დღის განმავლობაში სემინარზე მონაწილეებს მიეწოდათ ინფორმაცია გენდერული სტატისტიკის მონაცემების წარმოების, გავრცელების და გამოყენების შესახებ.
სემინარის მონაწილეებმა ასევე იმსჯელეს ისეთ მნიშვნელოვან საკითხებზე როგორიცაა: მშპ, ეკონომიკური ზრდის ტენდეციები, დასაქმება/უმუშევრობის და ხელფასების სტატისტიკის შესახებ. ორდღიან სამუშაო შეხვედრაზე მონაწილეებმა ასევე ამომწურავი ინფორმაცია მიიღეს მონაცემთა შეგროვების თანამედროვე ტექნოლოგიებზე და ამ მიმართულებით საქსტატის გეგმებზე.
საქსტატის აღმასრულებელი დირექტორის, გოგიტა თოდრაძის განცხადებით, მომხმარებლებთან მსგავსი სახის შეხვედრები ძალიან მნიშვნელოვანია და ხელს შეუწყობს მათ უკეთ ინფორმირებულობას უწყებაში მიმდინარე და დაგეგმილი სიახლეების შესახებ. მისი თქმით, მსგავსი ტიპის სემინარების ჩატარება მომავალშიც იგეგმება.
