ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 30 მაისი 2023
24-25 მაისის პერიოდში საქსტატმა ევროსტატის ექსპერტთა მისიას უმასპინძლა. ვიზიტის მთავარ მიზანს წარმოადგენდა საერთაშორისო შედარებების პროგრამის (International Comparison Program (ICP)) 2021 წლის რაუნდის ფარგლებში, საქსტატის მიერ შესრულებული სამუშაოების შეფასება.
ICP-ში საქართველოს ჩართულობას კოორდინაციას უწევს ფინეთის სტატისტიკის სამსახური. ვიზიტის ფარგლებში საერთაშორისო ექსპერტების და საქსტატის ფასების სტატისტიკისა და ეროვნული ანგარიშების დეპარტამენტების თანამშრომლების მონაწილეობით განიხილება 2021-2022 წლებში შესრულებული სამუშაოების შედეგები. გარდა ამისა, მიმდინარეობს მონაცემების ანალიზთან დაკავშირებული მეთოდოლოგიური საკითხების დახვეწა და გამოცდილების გაზიარება.
საერთაშორისო შედარებების პროგრამაში, რომელიც მსოფლიო ბანკის ორგანიზებით ხორციელდება, მსოფლიოს 200-მდე ქვეყანა მონაწილეობს. პროგრამის მიზანია მონაწილე ქვეყნების მთლიანი შიდა პროდუქტის შედარება მსყიდველობითი უნარის პარიტეტის გათვალისწინებით. პროგრამაში მონაწილეობას დიდი მნიშვნელობა ენიჭება ევროკავშირის სტანდარტებთან ჰარმონიზაციის თვალსაზრისით.
