გოგიტა თოდრაძე გენდერულ საკითხებთან დაკავშირებულ პანელურ დისკუსიაში მონაწილეობდა

თარიღი: 10 ოქტომბერი 2023

საქსტატის აღმასრულებელმა დირექტორმა გოგიტა თოდრაძემ მონაწილეობა მიიღო გენდერულ საკითხებთან დაკავშირებულ პანელურ დისკუსიაში, რომელიც საქართველოს ადგილობრივ თვითმმართველობათა ეროვნული ასოციაციის, გაეროს ქალთა ორგანიზაციის და შვეიცარიის განვითარებისა და თანამშრომლობის სააგენტოს ორგანიზებით ჩატარდა. 

 

შეხვედრაში მონაწილეობდნენ მუნიციპალიტეტების მერები, ადგილობრივი მმართველობისა და თვითმმართველობის, საკანონმდებლო და აღმასრულებელი ხელისუფლების, ასევე საერთაშორისო და ადგილობრივი ორგანიზაციების წარმომადგენლები. 

 

შეხვედრის მიზანს წარმოადგენდა ადგილობრივ დონეზე გენდერული თანასწორობის პოლიტიკის კუთხით არსებულ პრიორიტეტებსა და გამოწვევებზე მსჯელობა, ადგილობრივ ცხოვრებაში ქალთა და კაცთა თანასწორობის შესახებ ევროპულ ქარტიასთან მუნიციპალიტეტების შეერთების ადვოკატირება და ადგილობრივ დონეზე გენდერული თანასწორობის დღის წესრიგის მხარდაჭერა. 

 

გოგიტა თოდრაძემ დამსწრე საზოგადოებას წარუდგინა პრეზენტაცია საქსტატის მიერ ჩატარებული დროის გამოყენების გამოკვლევის შედეგების შესახებ. ისაუბრა გამოკვლევის ძირითად მიგნებებსა და არსებული გამოწვევებზე, როგორიცაა ქალისა და კაცის მიერ დღე-ღამის განმავლობაში სხვადასხვა აქტივობაზე  დახარჯული საშუალო დრო, აუნაზღაურებელი საოჯახო საქმიანობა, დასაქმება,  სწავლა და მათთან დაკავშირებული აქტივობები და სხვა. 

 

შეხვედრა ინტერაქტიულ რეჟიმში წარიმართა.