ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 დეკემბერი 2023
საქსტატის აღმასრულებელი დირექტორი გოგიტა თოდრაძე აზიისა და წყარი ოკეანის სტატისტიკის ინსტიტუტის (SIAP) მმართველი საბჭოს მეცხრამეტე სხდომაში და სტატისტიკის სამსახურის ხელმძღანელთა კონფერენციაში მონაწილეობს, რომელიც 13-15 დეკემბერს, ქ. კუალა- ლუმპურში (მალაიზია) იმართება.
აზიისა და წყარი ოკეანის სტატისტიკის ინსტიტუტს (SIAP), თავისი წესდების შესაბამისად, ჰყავს მმართველი საბჭო, რომელიც შედგება იაპონიის მთავრობის მიერ დანიშნული წარმომადგენლებისგან და კომისიის მიერ არჩეული ESCAP-ის სხვა წევრი ქვეყნებისგან.
საბჭოს შეხვედრა ყოველწლიურად იმართება, რომლის პარალელურად ტარდება სტატისტიკის სამსახურის ხელმძღანელთა მაღალი დონის კონფერენცია და მასში მონაწილეობას იღებენ აზიისა და წყნარი ეკეანის ქვეყნების სტატისტიკის სამსახურების ხელმძღვანელი პირები, ასევე საერთაშორისო ორგანიზაციების მაღალი რანგის წარმომადგენლები (UNSD, UNESCAP).
სტატისტიკის სამსახურის ხელმძღანელთა მაღალი დონის კონფერენცია წარმოადგენს ერთგვარ პლატფორმას სტატისტიკის სფეროში სტრატეგიული მიმართულებებისა და მიმდინარე მოვლენების განსახილველად. მიმდინარე კონფერენციის თემაა „ოფიციალური სტატისტიკის წარმოების ფუნდამენტური პრინციპები”, რომლის მიზანია, ხელი შეუწყოს აღნიშნული მიმართულებით აქტიურ დიალოგსა და თანამშრომლობას.
კონფერენციის ფარგლებში საქსტატის აღმასრულებელი დირექტორი გოგიტა თოდრაძე ერთ-ერთ სესიას უხელმძღვანელებს, რომლის ფარგლებშიც ისაუბრებს გაეროს ოფიციალური სტატისტიკის ფუნდამენტური პრინციპების მნიშვნელობასა და მათი პრაქტიკაში განხორციელების აუცილებლობაზე.
კონფერენციაზე მონაწილეებს შესაძლებლობა ეძლევათ ერთმანეთს გაუზიარონ საკუთარი ქვეყნის გამოცდილება, ისაუბრონ არსებულ გამოწვევებზე და მათი გადაჭრის შესაძლო გზებზე, გააცნონ გეგმები და სხვადასხვა მიმართულებით მიღწეული შედეგები.
