ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 21 მაისი 2024
საქსტატის აღმასრულებელმა დირექტორმა გოგიტა თოდრაძემ, ოფიციალური სტატისტიკის საერთაშორისო კონფერენციაში (ISI-IAOS 2024) მიიღო მონაწილეობა, რომელიც ოფიციალური სტატისტიკის საერთაშორისო ასოციაციისა და სტატისტიკის საერთაშორისო ინსტიტუტის ორგანიზებით, მექსიკაში, ქ. მეხიკოში, 15-17 მაისის პერიოდში ჩატარდა.
კონფერენცია წარმოადგენს მაღალი დონის პლატფორმას და იძლევა მონაწილეთა შორის სტატისტიკის სფეროში ცოდნისა და საუკეთესო პრაქტიკის გაზიარების შესაძლებლობას. შეხვედრაზე სტატისტიკის სამსახურები და საერთაშორისო ორგანიზაციები განიხილავენ ოფიციალური სტატისტიკის წინაშე არსებულ გამოწვევებს და იმსჯელებენ მათი აღმოფხვრის გზებზე.
შეხვედრის ფარგლებში საქსტატის აღმასრულებელმა დირექტორმა მონაწილეობა მიიღო პანელურ დისკუსიებში და წარადგინა პრეზენტაცია, ქვეყანაში ოფიციალური სტატისტიკის წარმოების ფუნდამენტური პრინციპების მნიშვნელობის შესახებ და დამსწრე საზოგადოებას გაუზიარა საქართველოს გამოცდილება, აღნიშნული პრინციპების შესასრულებლად გატარებულ ღონისძიებებთან დაკავშირებით. გოგიტა თოდრაძემ ასევე ისაუბრებრა საქსტატის მიერ გადაგმულ იმ ნაბიჯებზე, რომლებიც სტატისტიკის შესაძლებლობების გაუმჯობესებასა და მონაცემთა წარმოებას უკავშირდება.
კონფერენციაში მსოფლიოს სხვადასხვა ქვეყნის 500-მდე წარმომადგენელი მონაწილეობდა, მათ შორის იყვნენ 40-მდე ქვეყნის სტატისტიკის სამსახურის ხელმძღვანელები, საერთაშორისო და ადგილობრივი ორგანიზაციების წარმომადგენლები, ექსპერტები, ანალიტიკოსები და მაღალი თანამდებობის პირები.
