ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 18 ივლისი 2024
დღეს საქართველოს სტატისტიკის ეროვნულ სამსახურში ევროკავშირის მიერ დაფინანსებული თვინინგის პროექტის „საქართველოს სტატისტიკის სისტემის შემდგომი გაძლიერება“ მმართველი კომიტეტის პირველი შეხვედრა გაიმართა. თვინინგის პროექტი საქსტატში მიმდინარე წლის აპრილში დაიწყო და მას ფინეთის, გერმანიისა და იტალიის სტატისტიკის სამსახურები ახორციელებენ.
შეხვედრას პროექტის მმართველი კომიტეტის წევრები, საქსტატის ხელმძღვანელი პირები, საქართველოში ევროკავშირის წარმომადგენლობის, საგარეო საქმეთა სამინისტროსა და ფინეთისა და გერმანიის სტატისტიკის სამსახურების წარმომადგენლები ესწრებოდნენ.
შეხვედრაზე კომიტეტის წევრებმა ახალი თვინინგის პროექტის სამოქმედო გეგმა და ბიუჯეტი დაამტკიცეს. ისაუბრეს არსებულ გამოწვევებისა და სამომავლო გეგმების შესახებ.
სხდომაზე საქსტატის აღმასრულებელმა დირექტორმა მისასალმებელი სიტყვით დამსწრე საზოგადოებას მიმართა და მომავალი თანამშრომლობისთვის მზადყოფნა გამოთქვა.
თვინინგის პროექტის განხორციელება საქსტატში 2024 წლის აპრილში დაიწყო და 2 წლის განმავლობაში გაგრძელდება. პროექტი მიზნად ისახავს ქვეყანაში სტატისტიკის სისტემის შემდგომ გაძლიერებას, საქსტატის მიერ დროული, საერთაშორისო დონეზე შესადარისი, სანდო მონაცემების წარმოებასა და მის დაახლოებას ევროპულ სტანდარტებთან. თანამშრომლობა სამ ძირითად კომპონენტს აერთიანებს: სტანდარტებისა და კლასიფიკატორების მეთოდოლოგიური შესაბამისობის უზრუნველყოფა, დემოგრაფიული და მოსახლეობის სტატისტიკის გაუმჯობესება და სამთავრობო უწყებების შესაძლებლობების გაძლიერება ოფიციალური სტატისტიკის წარმოებისა და გამოყენებისთვის.
