ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 30 ივლისი 2024
30 ივლისს საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ გაეროს აზიისა და წყნარი ოკეანის ეკონომიკური და სოციალური კომისიის (UN ESCAP) სტატისტიკის სამმართველოს მიერ ორგანიზებულ პანელურ დისკუსიაში მიიღო მონაწილეობა.
დისკუსია ონლაინ რეჟიმში ჩატარდა და მის მთავარ თემას აზიისა და წყნარი ოკეანის სტატისტიკის კომიტეტის სტრუქტურის განახლება, ოფიციალური სტატისტიკის სფეროში არსებული გამოწვევების დაძლევა და მომხმარებელთა საჭიროებებზე მორგება წარმოადგენდა.
საქსტატის აღმასრულებელმა დირექტორმა საქართველოს ეროვნული სტატისტიკის სამსახურის სახელით, მხარდაჭერა გამოთქვა სტატისტიკის კომიტეტის ახალი სტრუქტურის შემუშავების მიმართ და აღნიშნა, რომ შემოთავაზებული ცვლილებები მიზნად ისახავს კომიტეტისა და სამუშაო ჯგუფების ეფექტურობის ზრდას და აზია-წყნარი ოკეანის რეგიონის სტატისტიკის საზოგადოების საჭიროებებზე ორიენტირებას.
გოგიტა თოდრაძემ ასევე ოფიციალურ სტატისტიკაში მუდმივი ცვლილებებისა და ინოვაციების როლზე ისაუბრა, სტატისტიკური სისტემების გაძლიერების და საჭიროებებზე მორგებისა მიზნით. საქსტატის სახელით მან მზადყოფნა გამოთქვა შემდგომი თანამშრომლობისთვის.
საქსტატის აღმასრულებელი დირექტორთან ერთად დისკუსიაში მონაწილეობას იღებდნენ გაეროს აზიასა და წყნარი ოკეანის ეკონომიკური და სოციალური კომისიის სტატისტიკის სამმართველოს დირექტორი, სინგაპურის სტატისტიკის სამსახურის ხელმძღვანელი, ახალი ზელანდიის სტატისტიკის სამსახურის უფროსის მოადგილე, აგრეთვე გაეროს წევრი ქვეყნების სტატისტიკის სამსახურის ხელმძღვანელი პირები და საერთაშორისო ორგანიზაციების წარმომადგენლები.
