ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 25 სექტემბერი 2024
საქართველოს სტატისტიკის ეროვნული სამსახური აქტიურ საერთაშორისო თანამშრომლობას განაგრძობს. ამ ეტაპზე თანამშრომლობა ყაზახეთის სტატისტიკის სამსახურის შეფასებაში მონაწილეობას მოიცავს, რომლის ფარგლებშიც საქსტატს - აღმასრულებელი დირექტორის მოადგილე, ირაკლი აფხაიძე წარმოადგენს.
შეფასების მისიას ქ. ასტანა მასპინძლობს, რომლის შემადგენლობაში შედიან გაეროს ევროპის ეკონომიკური კომისიის (UNECE), გაეროს აზიისა და წყნარი ოკეანის ეკონომიკური და სოციალური კომისიის (ESCAP) ექსპერტები, ასევე იტალიის, ბელგიის და სომხეთის სტატისტიკის სამსახურის წარმომადგენლები.
სექტორული შეფასების მისიის მიზანს წარმოადგენს ყაზახეთის სტატისტიკის სამსახურში გარემოს სტატისტიკის არსებული დონის შეფასება და მისი საერთაშორისო სტანდარტებთან შესაბამისობის განსაზღვრა. მისიის დროს გაიმართება სამუშაო შეხვედრები ყაზახეთის სტატისტიკის სამსახურის თანამშრომლებთან, დარგობრივი სამინისტროების, საერთაშორისო ორგანიზაციების და ქვეყანაში გარემოს საკითხებზე მომუშავე სხვადასხვა სააგენტოების წარმომადგენლებთან, ასევე, სტატისტიკური ინფორმაციის მომხმარებლებთან (მედია, სამეცნიერო წრე, ბიზნეს სექტორი).
მისიის შედეგად მომზადდება დასკვნა და რეკომენდაციები, რომელიც გახდება სახელმძღვანელო დოკუმენტი, ყაზახეთში გარემოს სტატისტიკის შემდგომი განვითარებისთვის.
საერთაშორისო მისია მიმდინარე წლის 24 სექტემბრიდან 27 სექტემბრის პერიოდში მიმდინარეობს. მისიის ფარგლებში ირაკლი აფხაიძე რამდენიმე სესიას უხელმძღვანელებს, რომელიც გარემოს ეკონომიკური და ფისკალური ანგარიშების, მონაცემთა გავრცელებასა და მომხმარებლებთან კომუნიკაციას შეეხება.
