თბილისის მერის დავით ნარმანიას განცხადებით, მემორანდუმი უწყებებს შორის მჭიდრო თანამშრომლობას ითვალისწინებს. 

„ჩვენ საქსტატთან საკმაოდ მჭიდრო თანამშრომლობა გვაქვს, მაგარამ არის ცალეკეული სფეროები, სადაც უფრო სიღრმისეულად გვჭირდება ერთობლივი მუშაობა, მონაცემების დამუშავება. მნიშვნელოვანია, რომ ცოტა ხნის დასრულდა მოსახლეობის საყოველთაო აღწერა. დედაქალაქთან დაკავშირებით საკმაოდ ბევრი მნიშვნელოვანი ინფორმაცია იყრის თავს, მუშავდება და ეს ყველაფერი სამომავლოდ გამოგვადგება იმისათვის, რომ შესაბამისი ანალიტიკური სამუშაოები ვაწარმოოთ და ციფრებზე დაფუძნებული გადაწყვეტილებები მივიღოთ“,-განაცხადა დავით ნარმანიამ.

მერი დაუშვილის თქმით, მემორანდუმი სტატისტიკური ინფორმაციის დროულ და ეფექტურ ურთიერთმიწოდებას შეუწყობს ხელს.

„აღნიშნული მემორანდუმი ძალიან მნიშვნელოვანია ორ უწყებას შორის უფრო მჭიდრო კავშირის თვალსაზრისით. ასევე მნიშვნელოვანია სტატისტიკური პროდუქტების დამუშავების პროცესში სირთულეების თავიდან ასაცილებლად, ვინაიდან ინფორმაციის გაცვლა მოხდება დროულად“,-განაცხადა მერი დაუშვილმა. 

დოკუმენტის მიხედვით საქართველოს სტატისტიკის ეროვნული სამსახური თბილისის მერიას სტატისტიკურ ინფორმაციას (გარდა კონფიდენციალურისა) მიაწვდის და მერიის ინტერესების სფეროში შემავალი სტატისტიკური პროდუქტებით უზრუნველყოფს. თბილისის მერია საკუთარი კომპეტენციის ფარგლებში საქსტატს ინფორმაციის მოპოვებისა და მიღების ორგანიზებაში შესაბამის დახმარებას აღმოუჩენს. მემორანდუმი სამუშაო ჯგუფების შექმნას და ხელმომწერი მხარეებისთვის კონკრეტული პროდუქტებისა და წინადადებების შეთავაზებასაც ითვალისწინებს.