აშშ-ს სოფლის მეურნეობის დეპარტამენტის (USDA) დახმარებით და ფინანსური მხარდაჭერით, საქართველოს სტატისტიკის ეროვნული სამსახურის სოფლის მეურნეობის სამმართველოს საველე პერსონალს ფართომასშტაბიანი ტრენინგი უტარდება. 
ტრენინგი მოიცავს სასოფლო მეურნეობათა შერჩევითი გამოკვლევის მეთოდოლოგიის, კითხვარების შევსების, მონაცემთა ონლიან შეყვანის და რესპოდენტებთან კომუნიკაციის გაუმჯობესების საკითხებს. სწავლების პროცესში საველე პერსონალს ასევე მიეწოდებათ ინფორმაცია 2014 წლის სასოფლო სამეურნეო აღწერის შედეგად განახლებული შერჩევის ჩარჩოს და გამოკვლევასთან დაკავშირებული სხვა სიახლეების შესახებ. ტრეინინგებს ატარებენ საქსტატის სოფლის მეურნეობისა და გარემოს სტატისტიკის სამმართველოს თანამშრომლები. 
მიმდინარე ტრენინგს საქსტატის ხელმძღვანელობაც დაესწრო. უწყების აღმასრულებელი დირექტორის, მერი დაუშვილის განცხადებით, ძალიან მნიშვნელოვანია ასეთი ტიპის შეხვედრები. მისი თქმით, ტრენინგის მიზანია თანამშრომელთა კვალიფიკაციის ამაღლება და სოფლის მეურნეობის დარგში სტატისტიკური მონაცემების ხარისხის გაუმჯობესება. 
ტრეინინგები ჩატარდება ორ ეტაპად - აღმოსავლეთ და დასავლეთ საქართველოს საველე პერსონალისათვის. საერთო ჯამში ტრენინგს საქსტატის 400-მდე თანამშრომელი გაივლის.