საქართველოს სტატისტიკის ეროვნულმა სამსახურმა ახალი სტატისტიკური ინდიკატორების - ადგილობრივი ბაზრისთვის წარმოებული პროდუქციის მწარმოებელთა ფასების ინდექსის (DPPI) და იმპორტის ფასების ინდექსის (MPI) გამოქვეყნება.
DPPI წარმოადგენს მწარმოებელთა მიერ ადგილობრივი ბაზრისთვის წარმოებული სამრეწველო საქონლის ფასების საშუალო დონის მაჩვენებელს საბაზო პერიოდთან შედარებით. ექსპორტის ფასების ინდექსთან ერთად ქმნის მწარმოებელთა ფასების მთლიან ინდექსს (PPI).
იმპორტის ფასების ინდექსი წარმოადგენს იმპორტირებული სამრეწველო პროდუქციის ფასების საშუალო დონის მაჩვენებელს საბაზო პერიოდთან შედარებით და მისი წონების სტრუქტურა ეფუძნება საგარეო ვაჭრობის ინფორმაციას.
აღნიშნული ახალი ინდექსები გამოქვეყნდება გააუმჯობესებს ფასების ინდექსების კვლევის სიზუსტეს და მომხმარებელს მიაწვდის დეტალურ ინფორმაციას ფასების ინდექსთან დაკავშირებით.
2017 წლის მწარმოებელთა ფასების კვლევებისთვის საწარმოების შერჩევა და წონების გაანგარიშება განხორციელდა წარმოებული პროდუქციის მაჩვენებლების და ეროვნულ ანგარიშთა სისტემის დაზუსტებული, უახლესი მონაცემების საფუძველზე. სამრეწველო პროდუქციის მწარმოებელთა ფასების ინდექსის გაანგარიშებისათვის დაკვირვება ხდება 200-ზე მეტი სახეობის საქონლის ფასებზე 500-ზე მეტ საწარმოში. ინდექსები აგრეგირდება საქმიანობის სახეობათა მიხედვით პროდუქციის სტატისტიკური კლასიფიკაციის შესაბამისად.
ყოველთვიური ინდექსების გამოქვეყნება მოხდება მომდევნო თვის 20 რიცხვში.